ཏཱ་ལའི་བླ་མའི་དགའ་ལྡན་ཕོ་བྲང་དགེ་རྩ་འདི་བཞིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་འགྲོ་བ་མིའི་བཟང་སྤྱོད་གོང་སྤེལ་དང་། ཆོས་ལུགས་མཐུན་སྒྲིལ་གོང་སྤེལ། ཞི་བདེ་དང་འཚེ་བ་མེད་པ། ཁོར་ཡུག་སྲུང་སྐྱོབ་བཅས་ལ་དམིགས་ཏེ་བཙུགས་གནང་པ་ཞིག་ཡིན། དགའ་ལྡན་ཕོ་བྲང་དགེ་རྩ་དེས་བོད་ཀྱི་ཁྱད་དུ་འཕགས་པའི་ཆོས་དང་རིག་གཞུང་མི་ཉམས་རྒྱུན་འཛིན་དང་། བོད་མི་རྣམས་ལ་མཐུན་འགྱུར་རོགས་རམ་མ་ཟད། མི་རིགས་དང་ཆོས་ལུགས་དབྱེ་བ་མེད་པར་འགྲོ་བ་མི་དཀའ་ངལ་ཅན་རྣམས་ལ་ཕན་ཐོགས་དང་རོགས་རམ་གནང་རྒྱུའི་ཆེད་དུ་ཡིན།